Haxhi Avdi Jusufi, një besimtar nga Kosova që po kryente haxhin në Mekë, ka ndërruar jetë mëngjesin e sotëm.

Bashkësia Islame e Kosovës ka njoftuar se haxhi Jusufi është varrosur sot në namazin e drekës në varrezat e Mekës, përcjell Arbresh.info.

Postimi i plotë:

“Të Allahut jemi dhe tek Ai do të kthehemi!”

Njoftojmë besimtarët dhe opinionin e gjerë se sot, më 1 qershor 2025, në mëngjes, në Meke, ka ndërruar jetë haxhi Avdi Jusufi nga Vushtrria, i cili këtë vit ishte në mesin e besimtarëve që udhëtuan drejt vendeve të shenjta për ta kryer haxhin.

Me këtë rast, Myftiu i Kosovës, Naim ef. Tërnava, në emër të Bashkësisë Islame të Kosovës, shpreh ngushëllime për familjen e haxhiut, duke lutur të Madhin Zot që t’ia falë mëkatet dhe ta shpërblejë me Xhenetin Firdeus!

Namazi i xhenazes është falur sot në Qabenë e bekuar me namaz të drekës, ndërsa varrimi i tij u bë në varrezat e Mekës, nën përcjellje edhe të udhëheqësve të haxhit të Kryesisë së Bashkësisë Islame të Kosovës.

Zoti e mëshiroftë dhe e gradoftë me Xhenet, ndërsa familjes së rahmetliut i dhëntë sabër dhe gajret!/Arbresh.info

LEXO EDHE:

Ndërron jetë në Qabe haxhiu nga Vushtrria, Avdi Jusufi